Lus Qhia Tshiab Txog Txoj Kev Npaj Ua
Nyob rau thaum Lub Yim Hli Ntuj Tim 7, 2018 tau tsim Imagine Madison Daim Hom Phiaj Ntxaws (Comprehensive Plan) los ntawm Lub Nroog Pawg Common Council.
Ua ke tag nrho, ntev tshaj 18 lub hlis, peb tau tsim Lub Hom Phiaj Ntxaws no ua ke los xyuas seb yam uas tseem ceeb rau peb yog dab tsi thiab los teeb tsa peb lub hom phiaj.Thaum lub sij hawm 18 lub hlis no, peb txoj kev tshaj tawm Imagine Madison tau nthuav tawm mus rau lub zej zos kom pab qhia thiab taw kev thiab tau tiv tauj coob tshaj 15,000 tus neeg kom tau lawv txoj kev xav hais txog yam uas tseem ceeb rau lawv, lawv lub zeem muag, thiab lawv cov tswv yim rau Madison yav tom ntej no.Daim Hom Phiaj no yog nqe lus qhia txog seb lub zej zos no xav kom mus rau seem twg thiab seb yuav ua cas thiaj li mus txog lub hom phiaj ntawd.Nws yuav taw kev rau Lub Nroog Madison cov cai, cov kev siv nyiaj, kev loj hlob, thiab txoj kev yuav mus rau tiam tom ntej no thiab dhau ntawd tov.
Ua tsaug tshwj xeeb rau txhua tus uas tau muab kev koom tes hauv Pawg Neeg Nyob Hauv Nroog (Resident Panel) txoj kev pab cuam, uas tau pab peb nthuav mus kom cuag cov neeg nyob hauv lub nroog uas yav tas los yeej tsis muaj kev tawm suab rau hauv txoj kev npaj.
Imagine Madison yog dab tsi?
Imagine Madison yog tus txheej txheem los qhia kom paub txog Madison Daim Hom Phiaj Ntxaws, uas tau tsim tsab thaum 2006 los. Daim Hom Phiaj yuav yog ib lub hom phiaj nqis tes rau Madison lub neej yav tom ntej no uas yuav los taw kev rau cov kev txiav txim siab thiab cov kev nqis peev kom muaj ib lub nroog uas muaj kev noj qab haus huv zog, kev ncaj ncees zog thiab kev loj hlob. Koj cov tswv yim yuav taw kev rau Madison lub neej tom ntej no.
Xav tias Madison yuav loj hlob mus.
Txog thaum xyoo 2040, xav tias Madison yuav muaj kwv yees li ntawm 70,000 tus neeg los nyob tshiab ntxiv rau kwv yees li ntawm 250,000 tus neeg uas twb niaj hnub nyob hauv no lawm. Madison tseem sam sim pib loj hlob thiab muaj ntau haiv neeg los nyob ua ke. Peb xav tau koj txoj kev pab los pab npaj rau peb lub zej zos uas sam sim loj hlob thiab hloov.
Los ntawm Imagine Madison los, cov neeg nyob hauv zos yuav pab teb tau cov nqe lus nug xws li:
Cov Tsom lav Coj Kev
Peb yuav siv cov tsom iav nram qab no los pib thiab txog cov teeb meem, cov hom phiaj, thiab cov kev ua:
Cov neeg nyob ib puag ncig hais li cas?
"Qhov kom muaj vaj tse sib npaug mas nws tseem ceeb heev rau kuv. Kuv xav kom Lub Nroog tso qhov tseem ceeb dua ntais rau qhov kom muaj vaj tse uas nyab xeeb thiab them taus sib npaug zos thoob plaws hauv Madison thiab yuav pab tau rau txhua tus." -Tus Neeg Koom Hauv Kev Nug Online
"Txoj kev tsheb xa pej xeem mus los tam sim no mas nws siv sij hawm heev thaum yog ib tug neeg uas tau nyiaj tsawg thiab ua hauj lwm hauv lub nroog. Nws nyuaj heev li thaum nyob hauv ib lub zej zos tiam sim ho ua hauj lwm hauv lub zej zos uas nyob ib sab ntawd uas yuav tau siv tsheb xa pej xeem mus los." -Ib Tug Neeg Koom Hauv Pawg Neeg Sawv Cev Cov Neeg Nyob Hauv Nroog
"Kev nqis peev rau txoj kev kawm ntawv kom ncaj ncees rau txhua tus, tshwj xeeb cov haiv neeg tsawg, mas nws yog ib qho uas tseem ceeb heev rau Madison lub neej yav tom ntej no." -Tus Neeg Koom Hauv Kev Nug Online
"Cov tiaj ua si thiab cov chaw ua si uas nyob hauv thiab nyob ze txhua puag ncig uas neeg nyob. Ib qho uas ua rau kuv nyiam Madison heev yog qhov uas muaj nyom ntsuab xiab ntawm no. Peb yuav tau ua kom muaj qhov no rau txhua cheeb tsam hauv lub nroog." -Tus Neeg Tuaj Koom Hauv Pej Xeem Lub Rooj Sib Tham
